বৰপেটাৰ প্ৰাক্তন বিধায়ক আব্দুৰ ৰহিম খানৰ দেহাৱসান

বৰপেটাৰ প্ৰাক্তন বিধায়ক আব্দুৰ ৰহিম খান আৰু নাই ৷ বৰপেটাৰ দাবালীয়াপাৰাৰ নিজ বাসগৃহত আজি নিশা প্ৰায় ৭:৪০ মিনিটত শেষ নিশ্বাস ত্যাগ কৰে ৷ মৃত্যুৰ সময়ত তেওঁৰ বয়স হৈছিল প্ৰায় ৫৮ বছৰ ৷ 

উল্লেখ্য যে, বিগত কিছুদিন ধৰি তেখেতে জটিল ৰোগত আক্ৰান্ত হৈ আছিল ৷ 

বিগত ২০১১ চনৰ বিধানসভা নিৰ্বাচনত AIUDF দলৰ পৰা বৰপেটাৰ বিধায়ক নিৰ্বাচিত হৈছিল আৰু  পিচলৈ কংগ্ৰেছত যোগদান কৰি  বৰপেটা জিলা কংগ্ৰেছৰ সভাপতি হিচাপে দায়িত্ব গ্রহণ কৰিছিল ৷ কিন্তু কেইমাহমান পূর্বে তেওঁ পুনৰ AIUDF দললৈ উভতি গৈছিল ৷ 

অহা কালি তেখেতৰ জানাজা সম্পন্ন কৰা হব বুলি পৰিয়ালৰ লোকে জানিব দিয়ে ৷