বৰপেটাৰোডৰ ২৭ নম্বৰ ৰাষ্ট্ৰীয় ঘাইপথত যোৱা নিশা ১২:৩০ মান বজাত এক ভয়ংকৰ পথ দুৰ্ঘটনা সংঘটিত হয় ৷ তীব্ৰ বেগী ডাম্পাৰৰ সৈতে এখনি অল্ট’ বাহনৰ লগত হোৱা এই সংঘৰ্ষত ২ জন যুৱকৰ ঘটনাস্থলিতেই মৃত্যু হয় ৷ মৃত্যু হোৱা যুৱক দুজন হৈছে- নিৰ্মল দাস আৰু ঋতুমনি ৰয় ৷ আনহাতে গুৰুতৰ ভাৱে আহত হয় জিতুমনি ৰয়, দ্বীপজ্যোতি ৰয় আৰু জুৱেলজ্যোতি ৰয় ৷ প্ৰাপ্ত খবৰ মতে নিৰ্মল দাস নামৰ পাৰ্লাৰৰ ব্যৱসায় থকা যুৱ ব্যৱসায়ীজনে কালি অল্ট’ কে-টেন গাড়ীখন ক্ৰয় কৰিছিল সৰভোগত যোৱা কালি আৰম্ভ কৰা এটি নতুন শ্ব’ৰুমৰ পৰা ৷ নিশা বন্ধু সকলক লৈ কালি কিনা নতুন গাড়ীখনেৰে ফুৰিবলৈ আহোতে এই দুৰ্ঘটনা সংঘটিত হয় ৷